Kurti takohet me Shaip Kamberin, deputetin shqiptar në Serbi

Kurti takohet me Shaip Kamberin, deputetin shqiptar në Serbi

Kryeministri i Kosovës, Albin Kurti priti të hënën deputetin shqiptar të Parlamentit të Serbisë, Shaip Kamberi.

Një deklaratë e lëshuar nga zyra e Kurtit thotë se ata “diskutuan për çështjen e të drejtave të shqiptarëve në Preshevë, Medvegja dhe Bujanoc dhe zona të tjera në Serbi”.

Ata gjithashtu kanë diskutuar në lidhje me takimin midis Kurtit dhe Presidentit të Serbisë, Aleksandar Vuçiq të mbajtur në Bruksel më 15 qershor, ndërmjetësuar nga Bashkimi Evropian.

“U diskutua për dialogun e ardhshëm midis Kosovës dhe Serbisë mbi statusin midis dy vendeve,” lexon deklarata.

Kurti ka kërkuar në Bruksel që të dy vendet të kenë reciprocitet dypalësh, përfshirë çështjen e pakicave.

Në një intervistë për Exit News më parë këtë muaj, Kamberi tha se të drejtat e banorëve të Luginës së Preshevës duhet të jenë një pikë e rëndësishme diskutimi gjatë bisedimeve me Serbinë dhe çështja të përfshihet në një marrëveshje përfundimtare.

“Në këtë drejtim, pritja jonë është që Prishtina të kërkojë respekt të ndërsjellë për të drejtat e komuniteteve [shqiptare] në Serbi, siç bën Serbia për serbët në Kosovë,” tha Kamberi.

Rreth 50,000-70,000 shqiptarë etnikë jetojnë në territorin serb, shumica e tyre në Luginën e Preshevës, të vendosur në kufirin midis Serbisë dhe Kosovës. Lugina përfshin Komunat e Preshevës dhe Bujanovcit, ku shumica e popullsisë është shqiptare.

LEXO  Kurti: Projektligji për zgjedhjet mundëson votimin e emigrantëve

Banorët në këto zona vuajnë nivele të thella varfërie, të cilat janë përdorur nga qeveria serbe për të detyruar banorët shqiptarë të linin shtëpitë e tyre dhe të transferoheshin në Kosovë, Maqedoninë e Veriut apo gjetkë.

Kamberi, së bashku me pesë kolegë shqiptarë dhe boshnjakë, janë deputetët e vetëm të opozitës në asamblenë me 250 vende të Serbisë.

Në shkurt, Kamberi iu drejtua Kuvendit për herë të parë në gjuhën shqipe, pas vendimit të një gjykate në Beograd në favor të ministrit të brendshëm që përdori termin ofendues “shiptari” për shqiptarët.

Kamberi u ndërpre nga kryetari i Parlamentit, Ivica Daçiç. Sidoqoftë, ai vazhdoi të lexonte fjalimin e tij në shqip.

Adresa juaj e emailit nuk do bëhet publike.

Lajme te ngjashme