Kurti tërhiqet nga ndryshimet e ligjit zgjedhor

Nga Exit News
Kurti tërhiqet nga ndryshimet e ligjit zgjedhor

Kryeministri i Kosovës, Albin Kurti është tërhequr nga ndryshimet në ligjin për zgjedhjet. Lajmin e dha ushtruesi i detyrës së Presidentit në Kosovë, Glauk Konjufca, i cili tha se këto ndryshime do të diskutohen me opozitën.

Gjithçka që ka të bëjë me ligjin për zgjedhjet, do të jetë pjesë e një procesi të ardhshëm dialogimi mes mazhorancës dhe opozitës dhe se bashkë do ta bëjmë dhe përmbyllim reformën zgjedhore”.

Konjufca u takua me Kurtin dhe kandidaten për president Vjosa Osmani.

“Kështu që, pas vullnetit të qartë që e shprehu mbrëmë opozita me votën e tyre në Kuvendin e Kosovës, nuk mbetet tjetër veçse të sigurohemi që mazhoranca e Kuvendit të garantojë që mos bëjë asnjë veprim pa u konsultuar me opozitën në këtë aspekt, kurse opozita që nuk do ta bojkotojë procesin e zgjedhjes së Presidentin, me qëllim të shmangies së zgjedhjeve të përsëritura”, u shpreh ai.

Albin Kurti, kryeministri i Kosovës e ka kushtëzuar më herët votimin e presidentit të ri të vendit me votimin e këtij ligji. Ai u shpreh se në fillim do të votohet ligji dhe më pas do të votohet presidenti. Kurti i kërcënoi partitë duke thënë nëse nuk zgjidhet Vjosa Osmani presidente, vendi shkon në zgjedhjet të parakohshme.

Adresa juaj e emailit nuk do bëhet publike.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>