Gjykata Kushtetuese ka shtyrë seancën për mosmarrrëveshjen mes Presidentit Ilir Meta dhe kryeministrit Edi Rama për mosdekretimin e Ministrit Gent Cakaj.
Lajmi u bë i ditur në faqen zyrtare të GJK-së. Seanca ishte parashikuar për tu mbajtur të enjten me 25 mars.
Në janar 2019 Kryeministri Rama paditi në Kushtetuese Metën pasi ai nuk dekretoi si ministër të Jashtëm, Gent Cakaj.
Kushtetuta parashikon se ministri emërohet nga Presidenti me propozim të kryeministrit.
Meta refuzoi më atë kohë të dekretonte Cakaj me argumentin se kandidatura e tij nuk i plotëson kushtet e nevojshme për të mbajtur postin e ministrit të Jashtëm.
Kjo solli mosmarrëveshje mes qeverisë dhe Presidentit. Më pas Rama mori pozicionin e ministrit të Jashtëm.
Në një artikull të mëparshëm kemi argumentuar se kjo mosmarrëveshje nuk ka gjasa të shkojë në Kushtetuese pasi ka kaluar afati 6 mujor.
Konkretisht neni 55 i ligjit për Gjykatën Kushtetuese përcakton se kjo gjykatë mund ta shqyrtojë një marrëveshje të tillë brenda afatit gjashtëmujor që nga çasti i lindjes së saj. Kjo do të thotë se, Gjykata Kushtetuese duhet ta shqyrtonte këtë mosmarrëveshje deri në muajin qershor 2019.
Por ajo u bë funksionale rreth dy vite më pas lindjes së mosmarrëveshjes
