Kuvendi krijon grupet e punës per aspektet e ndryshme të reformës zgjedhore

Kuvendi krijon grupet e punës per aspektet e ndryshme të reformës zgjedhore

Komisioni i posaçëm parlamentar ka ngritur tre grupe pune për të shqyrtuar rekomandimet për reformën e re zgjedhore.

Grupet e punës do të kenë në përbërje 4 deputetë, dy nga shumica socialiste dhe dy nga opozita parlamentare.

Për ndryshimin e sistemit zgjedhor, grupi punës do të përbëhet nga Damian Gjiknuri, Bashkim Fino, Myslim Murrizi dhe Nimet Musaj.

Për financimin e partive, grupi i punës do të përbëhet nga Blerina Gjylameti, Klotilda Bushka, Arben Elezi dhe Ralf Gjoni.

Për votën e emigrantëve, grupi i punës do të përbëhet nga Alket Hyseni, Adnor Shameti, Korab Lita dhe Adriatik Alimadhi.

Miratimi i reformës zgjedhore ka qënë një nga kushtet e vendosura nga Bundestagu për hapjen e bisedimeve me Shqipërinë.

Kryeministri Rama ka deklaruar kohët e fundit se reforma e re do të miratohet brenda vitit 2019 sipas rekomandimeve të OSBE/ODIHR.

Lulzim Basha, gjithashtu ka theksuar se “reforma zgjedhore është vendimtare për ne dhe e vetmja rrugë për të dalë nga kjo krizë”.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>