Kuvendi pritet të zhvillojë seancën parlamentare sot. Seanca do të mbahet në orën 10:00. Në rendin e ditës do të jenë dekretet e Presidentit Ilir Meta, i cili ka kthyer për shqyrtim disa projektligje të reformës në drejtësi.
Shumica socialiste miratoi disa javë më parë disa ndryshime në disa prej ligjeve pjesë e paketës së reformës në drejtësi si Ligji për Gjykatën Kushtetutese, Ligji për organizimin e gjyqësorit, Kodi Penal dhe Kodi i Procedurës Penale.
Gjithashtu gjatë seancës së sotme do të diskutohen disa akte normative që lidhen me furnizimin me vaksina kineze.
Nuk dihet ende nëse në rendin e ditës do të jetë kërkesa e grupit parlamentar të PS për shkarkimin e Presidentit Meta.
