Lidhja Demokratike e Kosovës ka parashutuar tri kërkesa për institucionet e drejtësisë, sa i takon certifikimit të kandidatëve.
Ajo kërkon respektimin e vendimit të Kushtetueses për kandidatët.
Përmes kandidates për deputete, Ardita Dushi, LDK ka paraqitur kërkesat e saj ku përpos respektimit të vendimit të GJK kërkon nga partitë tjera politike në garë për zgjedhje ta zbatojnë vendimin e Kushtetueses.
LDK kërkon nga institucionet e drejtësisë të hetojnë dhe dënojnë ata që po sulmojnë kryesuesen e KQZ-së.
“Kërkojmë nga vëzhguesit vendorë dhe ndërkombëtarë që të dënojnë përpjekjejet e partive për shantazhin e institucioneve të pavarura”.
Një ndër kandidatët për deputetë që është përplasur më së shumti me kryetaren e KQZ është Glauk Konjufca nga Vetëvendosja. Sipas tij ajo po drejton planin për të ndaluar kandidimin e Kurtit në zgjedhje.
