Në Francë, nga 1 korriku hyn në fuqi vendimi për leje prindërimi 28 ditore për baballarët, këtu përfshihet edhe një javë leje e detyrueshme. Reforma e shumëpritur në Francë ka për qëllim t’i japë baballarëve kohë për të investuar më shumë në prindërim. Kostoja e kesaj politike vlerësohet në 260 milion € në 2021, pastaj 520 milion € në vit.
Reforma dyfishon kohëzgjatjen aktuale të pushimit për një baba nga 11 ditë në 28 ditë. Tri ditët e pushimit të lindjes do të paguhen nga punëdhënësi, ndërsa ditët e mbetura do të mbulohen nga sistemi i sigurimeve shoqërore.
Në rastin e një lindjeje të shumëfishtë, shtohen shtatë ditë leje, për çdo fëmijë, për një total prej 32 ditësh krahasuar me 18 ditë që është tani.
Leja e atësisë aktualisht është fakultative dhe merret nga rreth shtatë në dhjetë baballarë, një shifër që ka ndryshuar pak që kur skema u prezantua në 2002 dhe që ul pabarazitë e mëdha shoqërore: 80 përqind e punonjësve me kontrata të përhershme e përdorin atë, krahasuar me më pak se 60 përqind në kontratat me afat të caktuar.
