Lëvizja për Universitetin aksion për anulimin e tarifës universitare

Nga Exit News
Lëvizja për Universitetin aksion për anulimin e tarifës universitare

Studentë dhe aktivistë të Lëvizjes për Universitetin kanë bërë të martën një aksion për të denoncuar mësimin online dhe për të kërkuar anulimin e tarifës universitare.

Ata kanë bërë grafiti në rrugët e kryeqytetit ku kanë shkruar: “Kemi Tarifa S’kemi Universitet” dhe “Dijen na e mohojnë , tarifat na i kërkojnë”.

Në një njoftim në Facebook, LPU shkruan se nuk do të ndalen deri në anulimin e tarifës të cilën e konsiderojnë absurde në një situatë si kjo e pandemisë.

n

Pak ditë më parë LPU denoncoi Rektoratin e Universitetit të Tiranës se po tallet me ta, duke mos i kthyer përgjigje për anulimin e tarifës.

Më herët Lëvizja për Universitetin i ka dërguar një peticion me 8 mijë firma Ministrisë së Arsimit ku kërkonte anulimin e tarifës në kushtet e mësimit online.

Kërkesën e tyre studentët e mbështesin edhe në studime të cilat dëshmojnë se sa efektiv ka qenë mësimi online.

Sipas një studimi të LPU 60% e studentëve shprehen të  pakënaqur për mënyrën se si po zhvillohet mësimi online.

Në studim morën pjesë 1570 studentë.

Studimi nxori në pah se 44.5% kanë akses të pjesshëm në internet dhe mbi 70% janë të detyruar t’i ndjekin leksionet përmes telefonit celular.

Ndërkohë të hënën disa studentë të tjerë, pjesë e “Studentët Denoncojnë” i dërguan qeverisë një peticion ku kërkonin rikthimin në auditore.

LEXO  Studentët nga rrethet në pamundësi për të ndjekur leksionet online

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>