Lëvizja“Vetëvendosje!”: Kemi siguruar kuorumin për zgjedhjen e presidentit

Nga Exit News
Lëvizja“Vetëvendosje!”: Kemi siguruar kuorumin për zgjedhjen e presidentit

Kreu i grupit parlamentar të Levizjes “Vetëvendosje!”, Mimoza Kusari-Lila ka thënë, në një deklaratë për Radio Evropa e Lirë, se janë siguruar 80 votat e nevojshme të deputetëve, për kuorumin e votimit të presidentit të Kosovës.

Sipas njoftimit të kryetarit të Kuvendit, Glauk Konjufca seanca do t’i vazhdojë punimet për zgjedhjen e presidentit të vendit të dielën në orën 17:00.

Të shtunën, për shkak të mungesës së kuorumit në 2 votime, Kuvendi nuk arriti të zgjedh presidentin e vendit.

Në këto dy votime morën pjesë përkatësisht 78, 79 deputetë, nga 80 deputetë, që është numri i nevojshëm i dëputetëve të pranishëm për zgjedhjen e presidentit.

Nëse ky numër nuk plotësohet në raundin e parë dhe të dytë, votimi përsëritet.

Në garë për president, Lëvizja Vetëvendosje ka nominuar Vjosa Osmani- Sadriu.

Kandidati përballë saj është Nasuf Bejta.

 

Nëse zgjedhja e presidentit dështon sërish, Kosova do duhet të shkojë përsëri në zgjedhje të parakohshme.

 

 

 

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>