Llukashenko devijon një fluturim të Ryanair dhe arreston një gazetar disident

Nga Exit News
Llukashenko devijon një fluturim të Ryanair dhe arreston një gazetar disident

Një fluturim Greqi-Lituani i linjës Ryanair u devijua të dielën në Minsk, duke rezultuar në arrestimin e një gazetari disident që ndodhej në bord.

Opozita deklaroi se vendimi për uljen në Minsk të avionit pati qëllim pikëtisht arrestimin e ish-redaktorit të kanalit opozitar Nexta Telegram, Roman Protasevich.

Ndërkohë, agjensia e lajmeve BelTa raportoi se devijimi kishte ardhur me urdhër personal të Llukashenko-s, pasi pilotët u njoftuan pwr një kërcënim bombë në avion.

Akti u dënua nga udhëheqësja e opozitës në mërgim, Svetlana Tikhanovskaya, ndërsa presidenti lituanez Gitanas Nauseda akuzoi Bjellorusinë për një “veprim të neveritshëm” dhe kërkoi lirimin e gazetarit.

Sipas shërbimit për shtyp të aeroportit, incidenti u raportua nga pilotët, por nuk u gjetën mjete shpërthyese brenda avionit.

Arrestimi i Protasevich, i cili konsiderohet si “ekstremist” nga autoritetet bjelloruse, u konfirmua edhe nga ministria e Brendshme.

66-vjeçari Lukashenko e ka drejtuar Bjellorusinë që nga viti 1994, kohë gjatë së cilës ai ka goditur zërat opozitar, me shumë figura të opozitës të arrestuara ose, si zonja Tikhanovskaya, në arratisur jashtë shtetit.

 

2 komente

Adresa juaj e emailit nuk do bëhet publike.

Lajme te ngjashme