Manastirliu: Qeveria ka ndarë 100 milion € për pandeminë në dy vitet e ardhshme

Nga Exit News
Manastirliu: Qeveria ka ndarë 100 milion € për pandeminë në dy vitet e ardhshme

Ministrja e Shëndetësisë, Ogerta Manastirliu duke folur nga Kuvendi për programin qeverisës së 4 viteve të ardhshme deklaroi se qeveria ka vendosur në dispozicion 100 milionë € për luftën ndaj pandemisë për dy vitet e ardhshme.

Paketa do të përdoret si për një rritje të numrit të infektimeve dhe shtrimeve në perjudhën vjeshtë-dimër, edhe për përgjigje ndaj varianteve të mundshme dy vitet e ardhshme.

“Shqipëria ka alokuar 100 milionë euro për skenarin që parashikon në planin tonë, plan i miratuar, për pandeminë. Plan përgjigje për dy vitet në vazhdim,” u shpreh Manastirliu.

Ajo gjithashtu premtoi se do të rritej mbulimi me vaksina për popullsinë, si mjeti kryesor për luftimin e virusit.

Pjesa tjetër e fjalimit të ministres, ashtu si edhe e pjestarëve të tjerë të kabinetit qeveritar, ishte e mbuluar me arritje e suksese të qeverisë e përdorimi i një gjuhe pothuajse letrare.

Ndonëse ministrja foli për skenare, ajo nuk i zbuloi asnjë prej tre publikut apo se cilat janë përgjigjet që po konsiderohen.

Njësoj edhe kolegia e saj e Minsitrisë së Arsimit, e cila premtoi rritje të cilësisë së arsimit përmes bashkëpunimit me universitete prestigjoze.

 

 

Adresa juaj e emailit nuk do bëhet publike.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>