Maqedoni, shkarkohet kryeprokurori që favorizonte Gruevskin

Maqedoni, shkarkohet kryeprokurori që favorizonte Gruevskin

Parlamenti maqedonas ka votuar, pas një muaji debatësh e shtyrjesh, shkarkimin e kryeprokurorit Marko Zvrlevski, i njohur si një prej njerëzve më të afërt të ish-kryeministrit Nikola Gruevski.

Në parlamentin 120 vendesh, ku tashmë partia e Gruevskit është në opozitë, 64 deputetë votuan pro shkarkimit të kryeprokurorit.

Që prej formimit të qeverisë së re nga LSDM, kryeministri Zoran Zaev e kishte paralajmëruar shkarkimin e Zvrlevskit. Ky i fundit akuzohet se gjatë detyrës favorizonte dukshëm ish-kryeministrin Gruesvki, partinë VMRO DPMNE dhe zyrtarë të qeverisë së kaluar.

Ndaj kryeprokurorit ka akuza dhe për ndërhyrje në favor të Gruevskit në skandalet e korrupsionit që çuan në rrëzimin e qeverisë së Gruesvkit dhe shkaktuan krizën politike në Maqedoni.

Në ditët në vazhdim pritet të dalin emrat e parë zyrtarë që mund të emërohen në postin e Kryeprokurorit të Përgjithshëm.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>