Maqedonia e Veriut, kuvendi shkarkon ministren teknike

Maqedonia e Veriut, kuvendi shkarkon ministren teknike

Kuvendi maqedonas ka votuar pro shkarkimit të ministres së Punës dhe Politikës Sociale, Rashella Mizrahi, e cila nuk ka respektuar Marrëveshjen me Greqinë për emrin.

Rashella Mizrahi ishte ministre e qeverisë teknike që po përgatit vendin për zgjedhje. Ajo ishte përfaqësuese e partisë opozitare VMRO-DPMNE, e cila në qeverinë teknike tani ka mbetur me vetëm një përfaqësues, ministrin e Brendshëm.

Propozimi për shkarkimin e Mizrahit u bë nga kryeministri i qeverisë teknike Oliver Spasovski, pasi në disa dalje publike, pas emrit të saj ajo kishte shkruar “Republika e Maqedonisë”, emrin e Maqedonisë së Veriut para Marrëveshjes së Prespës.

Këtë gjë kryeministri teknik Spasovski e quajti shkelje të Kushtetutës dhe rrezik për të ardhmen euroatlantike të vendit.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>