‘Marshimi i Krenarisë’ në Tiranë, fokusi te familja LGBT+

Nga Exit News
‘Marshimi i Krenarisë’ në Tiranë, fokusi te familja LGBT+

Tirana do të presë “Marshimin e Krenarisë” (Tirana Pride) për të njëmbëdhjetën herë më 21 maj, sipas një njoftimi nga aktivistë vendas dhe OJQ-ve.

Këtë vit parada do të zhvillohet me pjesëmarrje fizike, pasi kufizimet e pandemisë i detyruan aktivistët ta mbanin atë online për dy vjet me radhë.

Anëtarët e komunitetit LGBT+ dhe aleatët e tyre do të mblidhen në sheshin “Nënë Tereza” në Tiranë të shtunën, më 21 maj, në orën 11:00 për të nisur paradën.

we are family
we are family

“Marshimi i Krenarisë në Tiranë” do të jetë kulmi i një jave aktivitetesh të drejtuara nga shoqëria civile, që fokusohen te të drejtat dhe jetët e anëtarëve të komunitetit LGBT+.

Për vitin 2022, ai do të titullohet “Ne jemi familje”, dhe do të fokusohet tek ideja e familjes dhe solidaritetit me LGBT+.

“‘Ne jemi familje’ – sepse familjet LGBTIQ+ janë pjesë e padiskutueshme e familjeve. Familjet tona ekzistojnë! Ato janë pjesë e shoqërisë sonë. Ato ushqehen nga dashuria dhe përkushtimi për njëri-tjetrin, pavarësisht sfidave, diskriminimit dhe sakrificave”, thuhet në njoftimin e organizatës “Aleanca LGBT”

Thirrja për të shfaqur familjet LGBT+ vjen pasi kërkesa e një çifti grash lezbike për t’u njohur si prindër të vajzave të tyre binjake shkaktoi zemërim në mediat sociale dhe nisi një fushatë ngacmimi kundër dy grave.

Si përgjigje, aktivistët e të drejtave të LGBT+ botuan një letër të hapur ku argumentuan se vajzat binjake meritojnë mbrojtje ligjore dhe nënat meritojnë të trajtohen në mënyrë të barabartë nga ligji.

Adresa juaj e emailit nuk do bëhet publike.

Lajme te ngjashme