Qeveria italiane, si pasojë e shpërhapjes së koronavirusit vendosi të ndalojë hyrjet dhe daljet në rajonin e Lombardisë dhe në 11 qytete të vendit. Vendimi i qeverisë i miratuar sot përcakton se:
“Për shkak të shpërhapjes së virusit në zonën e Lombardisë dhe në Modena, Parma, Piacenza, Reggio Emilia, Rimini, Pesaro, Urbino, Venezia, Padova, Treviso, Asti dhe Alessandria, të shmangen në mënyrë absolute hyrjet dhe daljet, përveç të ndonjë rasti emergjence”.
Gjithashtu vendimi parashikon ndalimin e çdo aktivitetei sportiv, manifestimeve, festave, muzeumeve, kampeve të skiive, dhe shkollave, në këto zona.
Ku vendim u morr pasi vetëm sot janë identifikuar 1 145 persona të infektuar më shumë se dje. Deri më tani numri i të infektuarve ka shkuar në mbi 5000 qytetarë, dhe 269 qytetarë të tjerë kanë humbur jetën si pasojë e virusit.
