
Mazhoranca dhe tre grupet parlamentare në opozitë firmosën marrëveshjen për reformën zgjedhore.
Kreu i grupit parlamentar socialist, Taulant Balla njoftoi pikat e dakordësuara në marrëveshje:
- Miratimin e ndryshimeve në Kodin Zgjedhor sipas marrëveshjes së 5 qershorit në datë 23 Korrik në Parlament.
- Miratimin e ndryshimeve në Kushtetutë që ndalojnë koalicionet parazgjedhore në datë 30 Korrik në Parlament.
- Vijimin e dialogut më opozitën jashtëparlamentare për dakordësi në reflektimin në Kodin Zgjedhor të ndryshimeve Kushtetuese në pikën 2.
- Të miratojnë Reformën Zgjedhore sipas rekomandimeve të OSBE/ODIHR përpara konferencës së parë ndërqeveritare me BE-ne.
Deputetja Rudina Hajdari, firmosjen e marrëveshjes me mazhorancën e quan si mbajtjen e premtimit për listat e hapura.
Por kreu i grupit parlamentar Demokrat, Myslim Murrizi ka treguar për mediat se krahas firmës, në marrëveshje ka shënuar se janë kundër marrëveshjes së 5 qershorit, të arritur në Këshillin Politik ndaj nuk do ta votojnë atë në Parlament në 23 Korrik.
“Nuk votojmë marrëveshje jashtëinstitucionale.” – tha Murrizi.
