Në Shqipëri kanë mbërritur të dielën 11 700 doza të vaksinës së Pfizer kundër COVID-19.
Kjo e çon numrin total të vaksinave që kanë mbërritur në vend në 858 750.
Kryeministri Rama ka njoftuar se deri tani në Shqipëri janë kryer mbi 776 461 vaksinime ndaj COVID-19.
Ministrja Manastirliu ka paralajmëruar se në fillim të qershorit pritet të mbërrijnë 40 mijë doza të vaksinës së AstraZeneca.
Aktualisht në Shqipëri po vaksinohen personat mbi 60 vjeç dhe punonjësit e shërbimeve kritike.
Vaksinat kundër COVID-19 që janë përdorur janë të kompanive Pfizer, AstraZeneca, Sinovac dhe Sputnik V.
Shqipëria ka paguar 20 milionë dollarë për 3 nga marrëveshjet e sigurimit të vaksinave ndërsa ende nuk ekzistojnë detaje të publikuara në lidhje me koston e rreth 50 mijë vaksinave Sputnik.
