Numri i të infektuarve me koronavirus në botë ka kaluar 12 milionë, raporton Reuters.
Ndërkohë, mbi gjysëm milioni njerëz kanë vdekur nga Covid-19 brenda 7 muajsh.
Rasti i parë me koronavirus u raportua në Kinë ne fillim te Janarit dhe u deshën 149 ditë që numri i të infektuarve të arrinte 6 milionë. Në më pak se një të tretën e kësaj periudhe – vetëm 39 ditë – numri i të infektuarve është dyfishuar duke arritur 12 milionë.
Vdekja e parë nga Covid-19 u shënua në Wuhan të Kinës më 10 Janar. Gjashtë muaj më vonë, virusi ka shkaktuar mbi 546,000 vdekje.
Të dhënat e Reuters tregojnë se virusi po përhapet më shpejt në Amerikën Latine. Kontinenti Amerikan, kryesisht ShBA dhe Brazili, ka më shumë se gjysmën e gjithë rasteve të infektuara në botë, dhe pothuajse gjysmën e viktimave. Ndërsa India, vendi i tretë me numrin më të lartë të të infektuarve, shënon më shumë se 20,000 raste të infektuara në ditë.
