Mbi 150 mijë viktima nga Covid-19 në botë, në Itali bie numri i rasteve të reja

Nga Exit News
Mbi 150 mijë viktima nga Covid-19 në botë, në Itali bie numri i rasteve të reja

Italia raportoi të premten 575 viktima të tjera me Covid-19 duke e çuar totalin në 22 745 të vdekur nga epidemia.

Po të premten, autoritetet italiane raportuan se kishin diagnostikuar rreth 3 500 persona të tjerë të infektuar duke e çuar totalin në rreth 172 500.

Pozitive për situatën mbetet shtimi i të shëruarve ku aktualisht numri ka shkuar në 42 727 pacientë që kanë arritur ta mposhtin virusin.

Italia po mendon lehtësimin e masave kufizuese dhe ekspertët mendojnë se për këtë do të ketë rëndësi të veçantë caktimi i zonave të kuqe.

Në gjithë botën numri i të infektuarve është mbi 2,2 milionë njerëz, prej të cilëve 150 mijë kanë vdekur.

Organizata Botërore e Shëndetësisë ka ngritur alarmin se tashmë përballë rrezikut më të madh të pandemisë mund të jetë Afrika – aktualisht me vetëm 19 mijë persona të infektuar, 1 mijë viktima.

Fakti se pjesa më e madhe e shteteve në këtë kontinent nuk kanë sisteme të zhvilluara shëndetësore e bën të domosdoshme një angazhim ndërkombëtar.

Një angazhim të ngjashëm OBSH e pati advokuar edhe në situatën e epidemisë së ebolës.

Hamendësohet se në Afrikë mund të vdesin nga Covid-19 rreth 300 mijë persona nëse atje nuk merren masa parandaluese të pandemisë.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>