Mbi 400 milionë doza vaksinash janë administruar në të gjithë botën

Nga Exit News
Mbi 400 milionë doza vaksinash janë administruar në të gjithë botën

Më shumë se 400 milion doza vaksinash janë administruar në të gjithë botën, e barabartë me 5.3 doza për çdo 100 persona.

Ekziston tashmë një hendek i fortë midis programeve të vaksinimit në vende të ndryshme, me shumë akoma që nuk kanë raportuar një dozë të vetme.

Një person i vaksinuar quhet dikush që ka marrë të paktën një dozë vaksine. Ndërsa një person plotësisht quhet ai që ka marrë të dyja dozat e kërkuara të vaksinës.

Shumica e vendeve në botë po vaksinojnë grupe prioritare si ato klinikisht në rrezik si: personat e moshës 60 vjeç, 70 vjeç dhe më të vjetër; dhe punëtorët e vijës së parë, si mjekët dhe infermierët.

Izraeli është vendi i cili po vaksinon popullsinë më shpejt se çdo vend tjetër, me 108.4 doza të administruara për çdo 100 njerëz.

Ekziston gjithashtu një ndarje e jashtëzakonshme midis vendeve. Vendet më pak të pasura janë duke pritur shpërndarjen e vaksinave nga nisma e BE-së Covax, e cila synon të sigurojë dy miliardë doza deri në fund të vitit.

Dhjetë vaksina të ndryshme po administrohen në të gjithë botën, sipas të dhënave të “Ëorld Data”.

Vaksina Pfizer-BioNTech, e cila është 95 për qind efektive në uljen e infeksioneve të koronavirusit, aktualisht po përdoret në 77 vende.

Disa vende të tjera kanë miratuar vaksinat por ende nuk kanë filluar administrimin e tyre.

LEXO  Zvicra miraton vaksinën e Pfizer kundër COVID-19

Shumica e vaksinave që përdoren aktualisht kërkojnë dy doza që një pacient të vaksinohet plotësisht.

Kohët e fundit Administrata amerikane e Ushqimit dhe Barnave autorizoi një vaksinë me një dozë të vetme e prodhuar nga kompania amerikane Johnson & Johnson.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>