Mbyllet zona historike e Vlorës, Bashkia nuk pastron ujrat e zeza

Nga Exit News
Mbyllet zona historike e Vlorës, Bashkia nuk pastron ujrat e zeza

Banorët dhe pronarët e bizneseve të zonës historike të Vlorës protestuan sot, 15 maj , për mungesën e pastrimti të zonës dhe kanaleve të ujrave të zeza, në zonën historike.

Ata i kërkuan Bashkisë Vlorë, në një deklaratë për median, “pastrimin dhe dezinfektimin e zonës. Puset e hapura pasi është ambjent familjar. Pastrim i kanalizimeve që ndikojnë në mosfrekuentimin e zonës. Endacakët e shumtë në zonë, të cilët janë rrezik për bizneset”.

Mbeturinat dhe era e keqe e kanalizimeve e ka bërë të pamundur frekuentimin e zonës nga qytetarët, duke dëmtuar bizneset.

Qendra historike e Vlorës u restaurua në vitin 2019, me financim të Fondit Amerikan të Zhvillimit. Investimi kushtoi 13 milionë euro dhe përfshiu restaurimin e 68 objekteve të trashëgimisë kulturore.

Kjo zonë u propagandua gjatë fushatës zgjedhore të 25 prillit nga kryeminsitri Rama si shembull i punës së qeverisë së tij.

“Nëse ka një vend ku pse-ja e mandatit të tretë është e ilustruar në të 4 anët ku kthen sytë, është ky qark. Kush e mendonte se do mblidheshim në këtë mjedis kaq të bukur kur këtu ishte një periferi e braktisur në mes të qytetit, një qendër historike, një lagje e degraduar e dorës së fundit dhe ku duhet të kaloje në rresht për një se nuk të linin torbat me mallra të përdorura që ishin në mes të rrugës”, u shpreh Rama më 10 prill, në një takim elektoral në zonën historike.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>