Takimi Kosovë-Serbi, planifikuar tu mbajtur në 2 shtator në Uashington, mund të jetë shtyrë për në një moment tjetër.
Kështu kanë shkruar të premten mediat kosovare, duke cituar burimet e tyre.
Sipas Telegrafi.com, takimi mes dy delegacioneve mund të jetë shtyrë për në një datë tjetër, pa dhënë arsyen për këtë vendim.
Telegrafi shkruan se ka kontaktuar me Kryeministrinë por deri më tani nuk ka ende një njoftim zyrtar.
Xhavit Beqiri, këshilltar i kryeministrit Avdullah Hoti, ka deklaruar:
“Deri më tani nuk e kemi këtë informacion. Zyra e kryeministrit nuk është në dijeni për këtë anulim të takimit.”
Takimi i 2 shtatorit u njoftua në 14 gusht nga i Dërguar i Posaçëm i SHBA-ve Richard Grenell. Të dy palët, si Kosova ashtu dhe Serbia kanë deklaruar se do të shkojnë në takim.
