Merkel ngre pyetje mbi pezullimin e Tramp nga Twitter

Nga Exit News
Merkel ngre pyetje mbi pezullimin e Tramp nga Twitter

Vendimi i Twitter për të pezulluar llogarinë e Presidentit të SHBA Donald Trump po i shtyn udhëheqësit evropianë, duke përfshirë kancelaren gjermane Angela Merkel, të theksojnë nevojën për të rregulluar me ligj funksionimin e kompanive të mediave sociale.

Të hënën, një zëdhënës i Merkel tha se ndalimi Tramp në Twitter ishte “problematik”, raporton Politico.eu

“Tek e drejta themelore [e lirisë së shprehjes] mund të ndërhyhet, por përgjatë linjave të ligjit dhe brenda kornizës së përcaktuar nga ligjvënësit. Jo sipas vendimit të menaxherëve të platformave të mediave sociale, ” tha zëdhënësi i qeverisë Stefën Zibert.

Megjithatë, Zibert shtoi se “qeveria gjermane është e bindur që operatorët e rrjeteve sociale mbajnë një nivel shumë të lartë përgjegjësie … për të siguruar që komunikimi politik të mos helmohet nga urrejtja, gënjeshtrat ose nga nxitja e dhunës”.

Pezullimi i Trampit në Twitter vjen ndërsa BE po bën presion për të zgjeruar rregullimin e platformave dixhitale përmes Aktit të Shërbimeve Dixhitale dhe Aktit të Tregjeve Dixhitale.

Tieri Breton, një nga komisionerët kryesorë të BE-së që qëndron pas këtyre reformave, është shprehur me herët se “fakti që një CEO mund të tërheqë prizën e altoparlantit të presidentit të amerikës pa ndonjë kontroll dhe ekuilibër është hutues. Kjo nuk është vetëm konfirmim i fuqisë së këtyre platformave, por gjithashtu tregon dobësi të thella në mënyrën e organizimit të shoqërisë sonë në hapësirën dixhitale. ”

Twitter vendosi t’i pezullojë përgjithmonë llogarinë presidentit Donald Tramp për shkak të rrezikut për nxitje të mëtejme të dhunës.

Adresa juaj e emailit nuk do bëhet publike.

Lajme te ngjashme