Presidenti Meta akuzoi nga Vlora Kadastrën dhe IKMT, për prishjen e paligjshme të objekteve në proces legalizimi në Radhimë, ndërkohë që nuk kishte një plan rikualifikimi në zonë.
Ai u shpreh se IKMT, bashkia dhe Kadastra Vlore nuk kanë bashkëpunuar me Avokatin e Popullit, duke i vonuar përgjigjen për 16 muaj.
“Të gjitha veprimet e IKMT dhe Kadastrës janë kryer, ndërkohë që nuk ka patur projekt rikualifikimi. Pra, ka qënë gënjeshter projekti,” tha Meta.
Presidenti pohoi se kërkesa e IKMT ndaj Kadastrës, për përjashtimin e objekteve nga legalizimi, ishte e paligjshme.
“IKMT ka zbatur keq ligjin dhe ka ndërshkuar keq qytetarët me gjoba, ndërkohë që kanë qënë që prej 2005 në proces legalizimi.”
Meta denoncoi cenimin e të drejtave themelore të qytetarëve dhe shtoi se qytetarët e morën përgjigjen nga audio përgjimi i drejtorit të Hipotekës, Artan Lame.
