Meta dhe Thaçi përkujtojnë masakrën e Reçakut

Meta dhe Thaçi përkujtojnë masakrën e Reçakut

Presidenti i Kosovës Hashim Thaçi dhe Presidenti i Shqipërisë Ilir Meta përkujtuan sot masakrën e kryer nga forcat ushtarake serbe në fshatin jugor të Reçakut, 32 kilometra në jug të Prishtinës.

Në ceremoninë përkujtimore Presidenti Thaçi tha:

“Masakra e Reçakut është krim kundër njerëzimit, që ka kryer drejtpërdrejt shteti i Serbisë, është gjenocid i Serbisë kundër popullit të Kosovës.

Drejtësia ndërkombëtare ka heshtur për këto masakra. Rrugëtimi jonë është ai euroatlantik, do punojmë fuqishëm për të ardhmen evropiane, por duke kërkuar drejtësinë që shteti i Serbisë duhet të japë llogari herët ose vonë për gjenocidin që ka kryer në Kosovë”.

Gjithashtu edhe Presidenti Meta kërkoi:

“Të çohet deri në fund drejtësia për autorët dhe organizatorët e këtij krim kundër njerëzimit.

Duhet të qëndrojmë për vlerat europiane për të cilat po përpiqemi. Vetëm një e ardhme e përbashkët europiane mund të ndalojë ripërsëritjen e këtyre ngjarjeve”.

Njëzet vjet më parë, forcat serbe vranë 45 shqiptarë etnikë në fshatin Reçak. Pas kësaj masakre, forcat e NATO-s vendosën nisjen e bombardimeve kundër Serbisë për t’i dhënë fund luftës në Kosovë.

Gjatë luftës së Kosovës 1998-1999 u vranë rreth 10,000 shqiptarë. Më 24 mars 1999 forcat e NATO-s nisën bombardimet, të cilat zgjatën 78 ditë dhe i dhanë fund sundimit serb në Kosovë. Në 17 shkurt 2008 Kosova shpalli pavarësinë.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>