Meta kërkon hetimin e Komisionit të Ekonomisë: Shqyrtoi dekretet e presidencës pa njoftuar më parë

Nga Exit News
Meta kërkon hetimin e Komisionit të Ekonomisë: Shqyrtoi dekretet e presidencës pa njoftuar më parë

Presidenti Ilir Meta i ka kërkuar SPAK-ut të nisë hetimet për anëtarët e Komisionit të Ekonomisë në Kuvend, pasi nuk kanë lajmëruar presidencën për shqyrtimin e dekreteve.

Meta i quajti veprimet e komisionit në shkelje të parimeve kushtetuese dhe të papranueshme.

Në 16 dhe 17 qershor, Komisioni i Ekonomisë ka shqyrtuar dhe ka rrëzuar 3 dekretet e Metës:

  • Për shtesën e kontratës së portit të Porto-Romanos;
  • Për kthimin e ligjit ‘për shërbimet e pagesave’;
  • Për kthimin e ligjit ‘për TVSH-në’.

Për diskutimin e këtyre 3 dekreteve, komisioni nuk ka njoftuar presidencën, në mënyrë që kjo e fundit të dërgojë në seancë përfaqësuesit e saj.

Sipas predidencës, ky veprim i komisionit është i përsëritur, veçanërisht kur shqyrtohen dekrete për kthimin e ligjeve që denoncojnë antikushtetueshmërinë e tyre, cenimin e interesave të shtetit dhe cenimin e financave të shtetit me ligje speciale që favorizojnë një grup të caktuar individësh.

Ky veprim i komisionit është i papranueshëm dhe në kundërshtim me parimet kushtetuese të transparencës.

Meta e quajti sjelljen e komisionit ‘korrupsion legjislativ’ dhe si ‘aktin më të rëndë të shpërdorimit të pushtetit publik’.

1 koment

Adresa juaj e emailit nuk do bëhet publike.

Lajme te ngjashme