Meta kthen ligjin për Taksat Kombëtare

Nga Exit News
Meta kthen ligjin për Taksat Kombëtare

Presidenti Ilir Meta ktheu të mërkurën për rishqyrtim në Kuvend ligjin ‘Për taksat Kombëtare’.

Ligji parashikon përjashtim nga taksat të rentës  minerare për mineralet metalore.

Ligji u propozua nga qeveria dhe u votua në Kuvend.

Meta argumenton se ky ligj cenon parimin e sigurisë juridike, barazisë para ligjit dhe autonominë e pushtetit vendor.

Ai shton se ky ligj do të sjellë 500 milionë lekë dëm në buxhetin e shtetit.

Argumentet kryesore të kthimit janë:

1.Ligji bën një trajtim të favorizuar fiskal të një dege të industrisë në raport me degët e tjera.

2.Ligji është miratuar pa asnjë konsultim me pushtetin vendor, që është përfitues direkt i një përqindjeje të të ardhurave nga renta minerare, duke cenuar parimin e decentralizimit dhe autonomisë së këtij pushteti

3.Ligji nuk shoqërohet me asnjë argument konkret financiar që të justifikojë regjimin e ndryshëm fiskal

4.Zbatimi i ndryshimit të miratuar me ligjin sjell pasoja fiskale që cenojnë interesin publik dhe rrezikojnë të çojnë në shfrytëzim abuzues të pasuritë natyrore të vendit

Adresa juaj e emailit nuk do bëhet publike.

Lajme te ngjashme