Presidenti Ilir Meta kujtoi eksodin e 20 mijë shqiptarëve më 8 gushtit 1991 me anijën “Vlora”. Ai ka publikuar pamjet e anijes dhe të refugjatëve shqiptarë.
“Zbarkimi i tyre në brigjet e Italisë, dëshmoi para gjithë botës tragjedinë dhe dhimbjen e një populli të vuajtur për dekada nga dhuna, shtypja, mjerimi dhe izolimi”, shkruan Meta në Facebook.
Ai shpreh shqetësimin se edhe “pas 29 vitesh nga kjo ngjarje [..] ritmet dramatike të shpopullimit të Shqipërisë nuk janë ndalur”.
Meta i bënë thirrje qytetarëve të qendrojnë në vend për ta bërë “Shqipërinë si gjithë Europa!”.
