Meta me Aleancën për Mbrojtjen e Teatrit Kombëtar: Kauza juaj kauzë e drejtë

Nga Redaksia
Meta me Aleancën për Mbrojtjen e Teatrit Kombëtar: Kauza juaj kauzë e drejtë

Presidenti Ilir Meta priti mbrëmjen e sotme një përfaqësi të Aleancës për Mbrojtjen e Teatrit Kombëtar, me të cilët ndau sërish qëndrimin e përbashkët për mbrojtjen e teatrit.

Sipas njoftimit të përcjellë nga Zyra për Shtyp e Presidentit, ai e ka cilësuar ndërtesën e teatrit “vlerë të jashtëzakonshme kulturore dhe kombëtare, që duhet mbrojtur”. Ai vlerësoi rezistencën qytetare të artistëve, duke theksuar se ajo ndërgjegjësoi opinionin vendas dhe atë ndërkombëtar për mbrojtjen e kësaj trashëgimie.

Presidenti ka falenderuar aktivistët e Aleancës edhe për ndihmat dhe angazhimin me rastin e tërmetit të 26 nëntorit.

Artisët thuhet se e kanë falenderuar Presidentin për mbështetjen, ankimimin në Gjykatën Kushtetuese të ligjit special që shemb ndërtesën e teatrit dhe për mbështetjen për aplikimin drejt organizatës “Europa Nostra” për ndërgjegjësimin ndërkombëtar të çështjes.

Presidenti tha se ai “do të jetë gjithmonë me Aleancën për Mbrojtjen e Teatrit, sepse kauza e saj është tërësisht një kauzë e drejtë”.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>