Meta nderon Besëlidhjen e Mallakastrës për kontributin në luftrat për liri

Nga Exit News
Meta nderon Besëlidhjen e Mallakastrës për kontributin në luftrat për liri

Presidenti Meta nderoi të dielën me titullin “Kalorës i Urdhrit të Skënderbeut” Besëlidhjen e Mallakastrës për kontributin në luftrat për liri dhe pavarësi, që prej pushtimit osman e deri në 1943-shin.

Gjatë vizitës në Poçem, Meta foli për 14 korrikun, datën që shënon bashkimin dhe lidhjen e besës së mallastriotëve brez pas brezi:

“Këtu, në Poçemin historik e ka burimin qëndresa mbarëpopullore dhe kombëtare kundër pushtuesit osman në vitin 1847, për të vazhduar me organizimin dhe besëlidhjen e Mallakastrës 100 vite më parë, për t’i dhënë fund atij kalvari vuajtjesh, mundimesh, sakrificash që hoqi vendi ynë nga 28 nëntori 1912 me shpalljen e Pavarësisë e deri më 3 shtator të vitit 1920 në çlirimin përfundimtar jo vetëm të Vlorës, por të gjithë vendit tonë.

Njëkohësisht jemi sot këtu për të vlerësuar me nderim të jashtëzakonshëm 8 korrikun e vitit 1943, ku 2000 burra të Mallakastrës i dhanë besën njëri-tjetrin për t’u ballafaquar me një ushtri prej 20 mijë pushtuesish.”

Prej tyre, 350 mallakstriotë kanë rënë dëshmorë në luftrat kundër pushtuesve të huaj.

 

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>