Meta përshëndet dërgimin e Forcave të Armatosura të Kosovës në misione paqeruajtëse

Nga Exit News
Meta përshëndet dërgimin e Forcave të Armatosura të Kosovës në misione paqeruajtëse

Presidenti Ilir Meta ka përshëndetur dërgimin e Forcave të Sigurisë së Kosovës në misione paqeruajtëse jashtë vendit.

Përmes një postimi në Facebook, Meta shkruan se ky vendim dëshmon qartë se Kosova është faktor i rëndësishëm për paqen dhe se Kosova e meriton të jetë pjesë e NATO-s.

““Përshëndes vendimin historik të Parlamentit të Kosovës për të autorizuar Forcën e Sigurisë së Kosovës të marrë pjesë në misionet paqeruajtëse në botë, në bashkëpunim me ushtrinë amerikane.
Kosova dëshmon qartë çdo ditë se është jo vetëm një faktor i rëndësishëm për paqen, stabilitetin e sigurinë në rajon, por edhe promovuese e këtyre vlerave në botë.
Kosova e meriton plotësisht të jetë sa më parë anëtare e NATO-s dhe do të ketë mbështetjen e pakursyer të Shqipërisë në këtë drejtim”

Kuvendi i Kosovës votoi të martën për dërgimin e kontingjentit të FSK-së me Gardën Kombëtare të Ajovës në SHBA, në misione paqëruajtëse jashtë vendit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>