Presidenti Ilir Meta shprehu mbështetjen e Shqipërisë për dialogun Serbi-Kosovë. Ai postoi, të martën, një video nga takimi me presidenten e Kosovës Osmani, në samitin e 10-të të Brno-Brijunit.
Videon, Meta e shoqëroi me postimin se dialogu mes dy vendeve do të “normalizojë plotësisht marrëdhëniet midis dy vendeve, si dhe do të kontribuojë në paqen rajonale, stabilitetin dhe perspektivën e përbashkët europiane”.
Ai gjithashtu i bëri thirrje BE-së të miratojë liberalizmin e vizave për Kosovën, si “një e drejtë ende e mohuar për qytetarët e saj”.
Në samitin e Brno-Brijunit marrrin pjesë presidentët e vendeve të Ballkanit Perëndimor. Takimi u përqendrua në bisedimet për integrimin e rajonit në BE.
