Meta: Transparenca për vaksinat, e domosdoshme

Nga Exit News
Meta: Transparenca për vaksinat, e domosdoshme

Presidenti Ilir Meta deklaroi, të shtunën, se qeveria duhet të bëjë transparencë në lidhje me vaksinat anti-Covid që po përdoren në vend.

Në një intervistë në News24, Meta theksoi se ‘transparenca është elementi i parë, që garanton besueshmërinë dhe seriozitetin e autoriteteve shtetërore në raport me qytetarët’.

Ai shtoi se mungesa e transparencës lë vend për dyshime ‘pasi çdo sjellje dhe veprim tjetër hyn në sferën e trafikimit apo të kontrabandës’.

Meta po ashtu i bëri thirrje qeverisë për hartimin e një strategjie të mirëmenduar për vaksinimin e qytetarëve:

“Shqipëria ka nevojë për një plan të qartë për vaksinimin e popullsisë dhe duhet ta kishte prej kohësh. Është e nevojshme sigurimi i vaksinës për atë pjesë të popullsisë, që e ka të domosdoshme.”

Pyetur nëse vetë Meta ka kërkuar të vaksinohet, ai tha se ‘kjo nuk është një çështje prioritare’.

Adresa juaj e emailit nuk do bëhet publike.

Lajme te ngjashme