Ministri i Mbrojtjes Niko Peleshi tha të mërkurën se Forcat e Armatosura kanë rritur vigjilencën në aeroportin e Rinasit.
“Aeroporti i Rinasit Nënë Tereza është objekt strategjik me rëndësi të veçantë për sigurinë kombëtare”, tha Pelshi.
“Strukturat tona të Forcave të Armatosura, si pjesë integrale e aeroportit, kanë rritur vigjilencën për të garantuar ruajtjen e perimetrit të sigurisë së aeroportit veçanërisht pas bojkotimit të punës nga kontrollorët e kompanisë së aviacionit civil Albcontrol sha”, tha ai.
Më herët në nj konferencë për shtyp, ministrja e Energjisë Belinda Balluku u tha kontrollorëve ajror të Albcontrol se nëse nuk kthehen në punë dot nxirren nga godina. Ajo tha se do të përballen me ligjin. Ministrja citoi Kodin e Punës dhe tha se nuk i lejon grevat në sektorët sensitivë.
Balluku njoftoi se Forcat e Armatosura dhe Policia do të ndërhyjnë ën godinë.
“Ndaj nga ky moment ndërtesa do të merret në ruajtje nga Forcat e Armatosura të Republikës së Shqipërisë. Nga ky moment Policia e Shtetit do të bëjë detyrën për të liruar ndërtesën nga ata kontrollorë që kanë vendosur që të mos jenë më kontrollorë”, tha ajo.
