Ministri Manjani kritikoi ashpër keq menaxhimin e deritanishëm të burgjeve. Në një takim me punonjësit e sistemit të burgjeve, ai është shprehur se do të largojë nga puna këdo që kapet me shkelje dhe nuk do të punësohet më asnjëherë në administratën publike.
“Historia që në këtë institucion të vazhdojnë të bëhen bamirësi, ka marrë fund sa të jem unë ministër. Kush të jetë i zoti do ta meritojë të rrijë aty. Kush largohet për shkelje, ta harrojë që në pjesën e mbetur të jetës të “puthet” me administratën publike” – deklaroi ministri Manjani.
Ditët e fundit, Zoti Manjani ka bërë disa deklarata ku kritikon punën e ish-ministrit Naço.
