Qeveria i heq universiteteve detyrimin për të garantuar mësim alternativ për studentët e pavaksinuar

Nga Exit News
Qeveria i heq universiteteve detyrimin për të garantuar mësim alternativ për studentët e pavaksinuar

Institucionet e Arsimit të Lartë nuk kanë detyrim të krijojnë mënyra alternative për ofrimin e studimit për studentët e pa vaksinuar kundër COVID-19 sipas urdhrit të fundit të Ministrisë së Shëndetësisë.

Ministria vendosi të ndryshojë urdhërin “për marrjen e masave, për parandalimin e infeksionit covid-19, për personelin e institucioneve arsimore dhe studentët” duke riformuluar pikën që detyron universitetet të garantojnë mënyra alternative mësimi për studentët e pavaksinuar.

Konkretisht, urdhri i ndryshuar i ministrisë kërkon:

“Studentët duhet të paraqesin certifikatën e vaksinimit COVID-19 apo kartën e vaksinimit, për të hyrë në institucionet e arsimit të lartë, duke filluar nga data 11.10.2021”

Në këtë mënyrë, studentët që nuk paraqesin certifikatën e vaksinimit nuk mund të futen në auditore dhe tashmë është në dorën e universiteteve për të garantuar mësimin në mënyra alternative.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>