Kryeministri Edi Rama priti të hënën në mbrëmje 15 210 dozat e vaksinës Pfizer, pas vizitës në Bruksel.
Gjatë paradites në Kuvend Ministria e Shëndetësisë njoftoi se dozat do të mbërrinin të hënën, më vonë Ministria e Shëndetësisë tha se për shkak të një problemi vaksinat do të vijnë të martën. Por në mbrëmje kryeministri së bashku me ministren e Shëndetësisë Ogerta Manastirliu dhe ministri Arben Ahmetaj pritën vaksinat.
Rama tha se në prill do të vijnë edhe 30 mijë doza të tjera të vaksinës Pfizer.
Janë konfirmuar edhe 14 mijë dozat e para nga COVAX të cilat mbërrijnë në 15 ditëshin e parë të muajit marsit, tha Rama.
