Mjekët në takim me Bashën: Qeveria nuk i ka dëgjuar thirrjet tona

Nga Exit News
Mjekët në takim me Bashën: Qeveria nuk i ka dëgjuar thirrjet tona

Mjekë dhe ekspertë të shëndetësisë zhvilluan të enjten një takim me kreun e PD Lulzim Basha, ku folën për situatën e pandemisë në vend. Ata fajësuan qeverinë dhe thanë se nuk i ka dëgjuar thirrjet e tyre.

“Thirrjet për qeverinë në vesh të shurdhër deri më 25 prill”, u shpreh mjeku Erion Dasho.

Mjeku Celami tha se gratë shtatzëna vuajnë nga mungesa e informacionit.

Ai shtoi se gratë shtatzëna te infektuara me COVID “mund të kryejnë lindje vetëm në spitalet COVID në Tiranë”.

Ndërsa mjeku Fabjan Cenko u shpreh se “të dhënat e mbledhura duhen shfrytëzuar për të hartuar politika”.

Basha i premtoi mjekëve se kur te jetë ai në krye të qeverisë, “do të ndryshoje menaxhimi i spitaleve, duke ia lënë në dorë profesionistëve”.

“Po thyejmë disa rekorde këtë javë”, u shpreh mjeku Arben Beqiri teksa shtoi se kjo javë ka pasur “rekorde vdekjesh, vdekjesh në mosha të reja, e shtrimesh në spitale”.

“5 rekomandimet e opozitës tingëllojnë të qarta”, tha mjeku Beqiri dhe shtoi se politika që po ndjek qeveria është në kundërshtim “me interesat e pacientëve dhe të mjekëve”.

“Vullneti politik për të investuar çdo gjë në shëndet, ka qenë një politikë e duhur e PD”, tha ai.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>