Mogherini telefonon Presidentin Thaçi: Hiqni tarifat doganore ndaj Serbisë

Mogherini telefonon Presidentin Thaçi: Hiqni tarifat doganore ndaj Serbisë

Përfaqësuesja e Komisionit Evropian për Punë të Jashtme Federica Mogherini i ka kërkuar sërish Kosovës uljen e tarifave doganore që qeveria kosovare i ka vënë produkteve serbe, që prej disa ditësh.

Përfaqësuesja e KE-së Mogherini ka telefonuar presidentin e Kosovës Hashim Thaçi  për të diskutuar për këtë çështje.

Me anë të një njoftimi për shtyp, zyra e Mogherinit lajmëroi:

“Përfaqësuesja e lartë ka nënvizuar se vendimi i Qeverisë së Kosovës për të ngritur tarifat e doganës për produktet nga Bosnje e Hercegovina dhe Serbia vetëm sa ka komplikuar situatën dhe nuk ka sjellë zgjidhje të problemeve për popullatën në Kosovë apo për aspiratat e Kosovës për të tashmen dhe të ardhmen.

Kjo është një masë që nuk ndërton marrëdhënie të mira fqinjësore dhe duhet të hiqet.”

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>