Monologu i javës, Rama: Jemi në drejtimin e duhur

Monologu i javës, Rama: Jemi në drejtimin e duhur

Kryeministri Rama, në monologun e përjavshëm të së dielës në Facebook, foli për zhvillimin ekonomik që Shqipëria ka marrë gjatë Qeverisë Rama. Kryeministri për të disatën herë, u shpreh i sigurtë se shqiptarët do ta votojnë sërish atë për një mandat të dytë si kryeministër 5 vendit. Kryeministri nuk ka bërë asnjë koment për të ardhmen e koalicionit PS-LSI, një ndër çështjet më të diskutuara ditët e fundit në media.

Ndër të tjera, Kryeministri Rama deklaroi:

  • Programi ynë ekonomik po vazhdon të ecë sipas planit dhe ka arritur objektivat të korrigjimit të çekuilibrimeve që trashëguam dhe të fuqizimit të vazhdueshëm ekonomik.
  • Sot jemi në kushte të reja, ku vendi jo vetëm ka marrë kthesën nga buza e humnerës ku gjendeshim në vitin 2013, por mund të synojmë për shumë më tepër akoma, sepse kemi rezerva të pashfrytëzuara.
  • Reformat e qeverisë janë me rëndësi jetike për rritjen e besimit, nxitjen e investimeve.
  • Reformat po na japin vetëm rezultatet e para, të cilat do të shtohen dhe do të konsolidohen hap pas hapi.
  • Të mos harrojmë që kemi rritur pagat dhe pensionet me 100 milionë dollarë pa rritur borxhin publik.
  • Rritje taksash nuk ka dhe nuk do të ketë.
  • Paralelisht me luftës kundër informalitetit që gjatë këtij viti do të thellohet, ne do nisim realizimin e programit kombëtar të financimit 1 miliardë dollarë për rindërtim.
  • Mandati i parë qeverisës që po shkon drejt përfundimit në disa muaj është vetëm pjesa e parë e një ndeshje shumë të vështirë, të cilën pa diskutim ne do ta fitojmë sëbashku.
  • Mes pjesës së parë dhe të dytë në politikë nuk ka pushim, por ka zgjedhje, por për zgjedhjet kemi ende kohë për të folur sepse çdo ditë deri në rënien e gongut të fushatës elektorale për ne është thjesht një ditë e gjatë punë për të çuar përpara projektin fitues për një rilindje shqiptare.
  • […] jemi në drejtimin e duhur dhe rruga që kemi bërë mjafton për të qenë të sigurtë për drejtimin!

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>