Naftëtarët e Ballshit në grevë urie

Nga Exit News
Naftëtarët e Ballshit në grevë urie

Naftëtarët e Ballshit nisën grevën e urisë, të hënën, pasi protestat e tyre, në kërkim të pagave të prapambetura, nuk morrën përgjigje nga qeveria.

Ata rinisën protestat në Ballsh më 14 shtator. Pasi nuk morrën një përgjgije për kerkesat e tyre nga qeveria, ata protestuan para Ministrisë së Infrastrukturës më 17 shtator, ku dhe u përplasën me policinë.

Naftëtarët paralajmëruan edhe atëherë se në rast se kompania nuk përgjigjet dhe qeveria nuk ndërhyn për të zgjidhur situatën, ata mund t’i rikthehen grevave të urisë:

“Të shkojmë të vendosemi brenda në uzinë, të shohim nëse do vijë shteti apo jo. Ne jemi me qindra familje dhe nuk po na zgjidhin gjë.Vetëm greva e urisë mund të sjellë reagimin.”

Në shkurt 2020, naftëtarët u futën dhe në grevë urie për rrogat prapambetura por pranuan të riktheheshin sërish në punë kur u njoftuan se një kompani e re do të merrte administrimin e rafinerisë dhe se do të gjehej një mundësi për të paguar rrogat e prapambetura.

Rafineria e naftës në Ballsh ka vite që has probleme keqmenaxhimi edhe pse është një nga sektorët kyç të ekonomisë së vendit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>