Gratë naftëtare i kanë propozuar Kryeministrit Rama ngritjen e një grupi negociator për të biseduar.
Në një mesazh për Kryeministrin, gratë naftëtare, të cilat ndodhen në ditën e 8-të të grevës, kërkuan vetëm pagat që kanë fituar me gjyq.
”Le të ngrihet një grup negociator e të vijë të bisedojë. Ne duam zgjidhje. Kemi besim tek kryeministri Rama se do ta zgjidhë situatën. Duam pagat e fituara me gjyq, pastaj të bëjnë ç’të duan me uzinën”, tha njëra prej grevistëve.
Të mërkurën, Kryeministri i kërkoi grevistëve të dalin nga greva ndërsa, ata nuk pranuan pa plotësimin e kushteve. Naftëtarët kërkojnë pagat e papaguara për vitin 2016 deri në vitin 2018.
Në një intervistë për emisionin “Me Pak Fjalë”, mbi grevën e naftëtarëve prej 18 ditësh, gazertarja Ola Xama u shpreh se institucionet shtetërore kanë lejuar situatën e krijuar tani me naftëtarët.
“Punëtorët kanë fituar të drejtën e marrjes së pagave me Gjykatë, dhe ka shkuar përmbaruesi të regjistrojë sekuestron dhe kryeregjistruesi i Mallakastrës nuk e kanë regjistruar”.
