Naftëtarët në protestë: Gratë në grevë po sakrifikojnë për fëmijët tanë

Nga Exit News
Naftëtarët në protestë: Gratë në grevë po sakrifikojnë për fëmijët tanë

Dhjetra naftëtarë që nuk janë në grevë urie, kanë protestuar të hënën në sheshin përpara uzinës, në mbështetje të 10 grave në grevë urie prej 12 ditësh.

Naftëtarët i bënë thirrje kryeministrit Rama që të shkojë në Ballsh t’i takojë dhe të gjejë një zgjidhje për problemin e naftëtarëve: marrjen e 13 pagave të prapambetura, të fituara me gjyq dhe rinisjen e punë në rafineri.

“Kryeministri të vijë e të japë një zgjidhje sa më shpejt. Sot në ditën e 12-të të grevës heshtje totale nga kryeministri dhe nga të gjitha institucionet e shtetit shqiptar. Ne jemi shqiptare, ndaj kryeministri nuk duhet të na shohë në pozicionin e armikut,” u shpreh një prej protestuesve.

“Këto gra i tregojnë ministres dhe avokates së popullit, se çfarë mund të bëjë një nënë për fëmijët e saj,” vazhdoi më tej ai.

“Edi Rama të reagojë dhe t’i jepet zgjidhje situatës. Nuk dalim nga greva pa marrë atë që na takon,” u shpreh një tjetër naftëtar.

Në ditën e 12 të grevës së urisë, gjendja shëndetësore e 10 naftëtareve është rënduar, por ato këmbëngulin për vazhdimin e saj. Qindra naftëtarë të tjerë nga jashtë vazhdojnë mbështetjen përmes protestave.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>