Navalny transferohet në një vendndodhje të panjohur

Një postim në llogarinë e Alexei Navalny në Twitter të premten tha se ai ishte zhvendosur nga një burg në rajonin Vladimir të Rusisë dhe vendndodhja e tij nuk dihej.

Kritiku i Kremlinit ishte në karantinë në qendrën e paraburgimit Kolchugino në rajonin Vladimir në verilindje të Moskës, para se të fillonte dënimin në një koloni penale.

Avokatët e opozitarit rus, Aleksei Navalny i bën thirrje vendeve perëndimore që të kërkojnë lirimin e tij të menjëhershëm.

“Me pretekste të ndryshme, ata nuk u lejuan të shihnin Aleksein,” thuhej në llogarinë e tij në Twitter. “Vetëm në orën 2 pasdite u thanë që Aleksei ishte larguar. Nuk pranuan të thonë se ku e çuan”.

Navalny, kritik i presidentit rus Vladimir Putin, është dërguar në burg muajin e kaluar për të kryer dy vjet e gjysmë dënim në lidhje me një rast të përfolur korrupsioni.

Ai dhe aktivistë për të drejtat e njeriut kanë thënë vazhdimisht se rasti i tij është i motivuar politikisht.

Pas lajmit për transferimin e tij, dhjetëra shtete, përfshirë Shtetet e Bashkuara kanë bërë thirrje për lirimin e tij të menjëhershëm dhe për hetime lidhur me helmimin që i është bërë Navalnyt vitin e kaluar me agjent nervor.

Navalny është ndaluar në aeroportin e Moskës në janar, pasi mbërritur nga Berlini, ku u trajtua pas helmimit.

Disa laboratore perëndimore kanë vërtetuar se ai është helmuar me agjent nervor Noviçok në gusht të vitit 2020.

LEXO  Basha: Reformën në drejtësi e mban peng Rama, jo Dvorani

Rusia ka mohuar përfshirjen, mirëpo Navalny ka thënë se tentativa për vrasjen e tij është urdhëruar nga presidenti Vladimir Putin.

Një gjykatë në Moskë ka marrë vendim se, në kohën sa ka qenë Navalny në Gjermani, ai ka shkelur kushtet e një dënimi të lidhur me një rast korrupsioni.

Dënimi i tij me kusht është shndërruar në dënim me burgim, ndonëse gjyqi i ka zvogëluar kohën e burgut në 2 vjet e gjysmë.

Ndalimi i tij ka nxitur një varg protestash kombëtare dhe shtypje të mbështetësve të tij.

SHBA dhe BE  kanë dënuar helmimin dhe më pas arrestimin e Navalny-t, ndërkohë që kjo e fundit ka vendosur edhe sanksione ndaj Rusisë.

Edhe Gjyakata Evropiane e të Drejtave të Njeriut ka kërkuar më herët lirimin e tij.

 

Adresa juaj e emailit nuk do bëhet publike.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>