Në 2018, buxheti i shtetit do të paguajnë 70 milionë euro për koncesione

Në 2018, buxheti i shtetit do të paguajnë 70 milionë euro për koncesione

Kontratat koncesionare ose PPP-të do t’i kushtojnë qytetarëve shqiptarë rreth 70 milionë euro për vitin 2018, sipas Open Data Albania. Aktualisht janë 12 kontrata koncesionare të cilat financohen krejtësisht ose pjesërisht nga buxheti i shtetit.

Katër kontratat e koncesioneve në shëndetësi, me kosto totale rreth 300 milionë euro, zënë peshën më të lartë në buxhetin e vendit. Ato vlerësohen në mbi 40 për qind të kostos totale vjetore të koncesioneve. Kontrata janë kontrollit bazë i qytetarëve (check-up); shërbimi i hemodializës; sterilizmi i paisjeve kirurgjikale dhe shërbimi i laboratorëve spitalor.

Tre koncesionet të inceneratorëvëFierit, Elbasanit dhe Tiranës, të cilat janë të përqendruara në një pronar, do të kushtojnë në total rreth 236 milionë euro—PPP e inceneratorit të Elbasanit me kohëzgjatje 7 vjet ka kosto prej 28 milionë euro dhe zbatohet nga kompania Albtek Energy; PPP e inceneratorit të Fierit me kohëzgjatje 6 vjet, me kosto 28 milionë euro dhe zbatohet nga Integrated Technology Waste Treatment Fier; PPP e inceneratorit të Tiranës me kohëzgjatje 30 vjet, me kosto totale 180 milionë euro do të zbatohet nga Integrated Energy B.V shpk.

Koncesionet e ndërtimit të shkollave nga Bashkia Tiranë me kohëzgjatje 8 vjet kap vlerën e 60 milionë euro. Koncesioni ka filluar në vitin 2017 dhe do të përfundojë më vitin 2024.

Dy koncesionet në rrugë, ajo e Rrugës së Arbrit, dhe ajo e Autostradës Milot-Morinë do të fillojnë në vitin 2018 me kosto të përbashkët të tyre të vlerësuar rreth 260 milionë euro—ndërtimi i rrugës së Arbrit do ketë kosto 240 milionë euro për 30 vjet dhe do të nde4rtohet nga kompania Gjoka shpk; ndërsa autostrada Milot-Morinë me kosto 20 milionë euro dhe kohëzgjatja koncesioni për 30 vjet do të ndërtohet nga një konsoricum mes fimrave Salillari shpk dhe Kastrati shpk.

LEXO  Më 14 nëntor PE shqyrton kandidatin për Komisioner për Zgjerimin

Kontrata koncesionare e ndërtimit të HEC-it mbi Devoll është një kontratë që ka një kosto prej 70 milionë euro për buxhetin publik, me kohëzgjatje 5 vjet, ndërtuar nga shoqëria Devoll Hydropower shpk.

Shërbimi i Skanimit në Dogana (Rapiscan), kontratë koncësionare me vlerë 276 milionë euro, me kohëzgjatje 15 vjet. Kompania koncesionare është S2 Albania.

Shifrat e mësipërme tregojnë se PPP-të në ndryshim nga qeveria, e cila i përkufizon ato si “drekë falas”, janë plotësisht një barrë mbi pasurinë e publikut.

 

Të gjitha të dhënat janë marrë nga Open Data Albania

Lajme te ngjashme