Në 24 orë 6 persona të infektuar me koronavirus, shkon në 70 totali i të prekurve

Nga Exit News
Në 24 orë 6 persona të infektuar me koronavirus, shkon në 70 totali i të prekurve

6 persona të prekur nga koronavirusi janë zbuluar në 24 orët e fundit, duke e çuar numrin total të personave të identifikuar në 70.

Gjatë komunikimit të përditshëm të Institutit të Shëndetit Publik,  zëvendësministria Mira Rakacolli njoftoi se një prej rasteve të reja është mamaja e një prej pacientëve të mëparshëm e cila u sot mëngjesin e sot me urgjencë nga Patosi.

Në total, deri tani janë testuar 732 persona të dyshuar në vend. Ndërsa në 24 orët e fundit janë testuar 70 persona.

Personat e sëmurë gjenden në këto qytete:

— Në Tiranë: 50 persona;

— Në Durrës: 5 persona, përfshi një të moshuar që ndërroi jetë;

— Në Fier: 7 persona;

— Në Lushnje: 2 persona; një prej të cilëve ndërroi jetë;

— Në Elbasan: 2 persona;

— Në Rrogozhinë: 2 persona;

— Në Kavajë: 2 persona.

Prej tyre, 35 janë të shtruar në Spitalin Infektiv të QSUT-së—tre prej të shtruarve janë në terapi intensive. Ndërsa pjesa tjetër e të shtruarve është në gjendje të qëndrueshme.

Deri tani, të gjithë personat e prekur kanë pasur kontakte me pacientët e mëparshëm ose kanë pasur histori udhëtimi në Itali.

Adresa juaj e emailit nuk do bëhet publike.

Lajme te ngjashme