Nis përshpejtimi i shtrirjes globale të vaksinave COVAX, me fillimin e fushatave tw para të vaksinimit COVID-19 në Afrikë në Gana dhe Bregun e Fildishtë.
Fushatat në Gana dhe Bregun e Fildishtë ndjekin dërgesat në të dy vendet javën e kaluar me Ganën, që mori dorëzimin e 600,000 dozave në 24 shkurt dhe Bregun e Fildishtë që mori 504,000 doza dy ditë më vonë.
Të dy vendet morën vaksinën AstraZeneca/Oxford, të licencuar dhe prodhuar nga Instituti i Serumit i Indisë (SII).
“Është e rëndësishme që unë të jap shembullin që kjo vaksinë është e sigurt, duke qenë i pari që e marr atë”, tha presidenti i Ganës, Akufo-Addo.
Nigeria po ashtu pritet të marrë katër miliona vaksina këtë javë, sipas raportimit të UNICEF.
Programi COVAX synon shpërndarjen e drejtë të vaksinave edhe në vendet më të varfra të botës.
Dorëzimet shënojnë fillimin e asaj që do të jetë shpërndarja globale më e madhe, më e shpejtë dhe komplekse e vaksinave në histori.
Në total, COVAX synon të japë të paktën 2 miliardë doza vaksinash COVID-19 deri në fund të vitit 2021, duke përfshirë të paktën 1.3 miliardë, në 92 ekonomi që do të kualifikohen për mbështetje përmes COVAX AMC.
COVAX, përpjekja thelbësore për të përshpejtuar zhvillimin dhe aksesin në vaksinat COVID, drejtohet nga Koalicioni për Inovacione të Gatishmërisë Epidemike (CEPI), Gavi, Aleanca e Vaksinave dhe Organizata Botërore e Shëndetësisë (OBSH) që punojnë në partneritet me UNICEF si dhe Banka Botërore, prodhuesit dhe organizatat e shoqërisë civile, dhe të tjerët.
“Ky është vetëm fillimi i asaj, për tw cilwn COVAX u krijua. Na mbetet shumë për të bërë, për të realizuar vizionin tonë për të filluar vaksinimin në të gjitha vendet brenda 100 ditëve tw para të vitit. Kanë mbetur vetëm 40 ditë “, tha Dr Tedros Adhanom Ghebreyesus, Drejtori i Përgjithshëm i OBSH-së..
“Ndërsa vaksinimi fillon në Côte D’Ivoire, më pak se një vit pasi COVID-19 u karakterizua si një pandemi globale, unë jam i mbushur me besim dhe jam i sigurt që përmes COVAX dhe solidaritetit ndërkombëtar do të jemi në gjendje të arrijmë më së shumti në -rrezik kudo, ”tha José Manuel Barroso, Kryetari i Gavi, Aleanca e Vaksinave.
