Zaida Çela, nëna e 15-vjeçarit të dhunuar nga policia, ka paditur Drejtorin e Përgjithshëm të Policisë Ardi Veliu.
Ajo e akuzon Veliun për cënim të nderit e dinjitetit dhe publikim të të dhënave personale. Ajo kërkon nga Veliu një dëmshpërblim prej 1 milionë lekësh.
Drejtori i Policisë Ardi Veliu, në një tentativë për të mbrojtur policët që dhunuan në maj një 15 vjeçar, bëri publike një video të së emës. Në video ajo shfaqej duket I drejtuar pistolektën një gruaje tjetër.
“Kjo është mamaja e djalit me pistoletë në dorë. Jua tregova për të thënë se nga çfarë familje vjen ky fëmijë, sa i edukuar është. Tek e fundit policia si gjithmonë bëhet viktimë” – u shpreh Veliu në ABC News, duke komentuar videon.
Më pas u zbulua se skena me pistoletë ka ndodhur gjatë xhirimit të një filmi.
Pavarësisht kësaj, Veliu nuk ka kërkuar ndjesë publike dhe as nuk ka pranuar të japë dorëheqjen.
Kryeministri Rama e mbrojti Veliun duke thënë se publiku është keqkuptuar dhe se kjo çështje duhet mbyllur këtu.
