Nis protesta e Aleancës për Mbrojtjen e Teatrit kundër dhunës policore

Nga Exit News
Nis protesta e Aleancës për Mbrojtjen e Teatrit kundër dhunës policore

Dhjetra artistë e aktivistë kanë protestuar, të dielën, para Ministrisë së Brendshme kundër dhunës që policia ka përdorur kundër protestuesve, veçanërisht ndaj katër aktivistëve të ndaluar një ditë më parë: Ergys Mërtirit, Donald Martinit, Astrit Seranajt e Gentian Hasanit.

Tre kërkesat e Aleancës për Mbrojtjen e Teatrit, e cila është dhe organizatorja e protestës, janë:

  • Marrjen a masave nga Policia e Shtetit ndaj efektivëve që ushtruan dhunën pa motiv, shkarkimin dhe procedimin penal të tyre.
  • Shkarkimin dhe procedimin penal të Drejtorit të Përgjithshëm të Policisë së Shtetit Ardi Veliu.
  • Ristrukturimin e Policisë së Shtetit që ajo t’i rikthehet qytetarëve.

Protestuesit akuzuan qeverinë se po qeveris me dhunë policore dhe po shtyp të drejtat e qytetarëve me dhunë.

Një ditë më parë policia shoqëroi Mërtirin, Martinin, Seranajn dhe Hasanin në komisariat pa bërë të ditur arsyen.

Lajmin e bëri të ditur AMT, përmes një video të postuar në Facebook.

Në video shihet se aktivistët janë ndaluar me dhunë nga policia. Motivet e arrestimit të tyre nuk janë të qarta.

Një prej të shoqëruarve, Ergys Mërtiri, tha se policia e ka shoqëruar të shtunën në komisariat për t’i fshirë nga celulari videot që sipas tij dëshmonin dhunën policore ndaj aktivistëve të Aleancës për Mbrojtjen e Teatrit (AMT).

Në një prononcim për “Fax News”, Mërtiri rrëfen se celularin ja morën me dhunë dhe kur ia kthyen pamjet filmike ishin fshirë. Aty dukeshin policët duke goditur aktivistët e AMT që u shoqëruan në komisariat mbrëmjen e së shtunës, sipas Mërtirit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>