Ka nisur rreth orës 19:00 takimi mes kryeministrit të Kosovës, Avdullah Hoti dhe presidentit të Serbisë, Aleksandar Vuçiç i ndërmjetësuar nga zyrtari i lartë i Bashkimit Europian, Joseph Borell.
Zëdhënësja për punët e jashtme dhe politikat e sigurisë në BE, Nabila Massrali publikoi në rrjetin social Twitter një fotografi të tre zyrtarëve që do të diskutojnë në takimin mes Kosovës dhe Serbisë.
Takimi erdhi pas një video telefonate mes Hotit dhe Vuçiçit të ndërmjetësuar nga Joseph Borell dhe Miroslav Lajçak.
